Frida Kahlo

Frida Kahlo
Kahlo in 1932
Geboortenaam	Magdalena Carmen Frieda Kahlo y Calderón
Gebore	(1907-07-06)6 Julie 1907 Coyoacán, Meksikostad, Meksiko
Sterf	13 Julie 1954 (op 47) Coyoacán, Meksikostad, Meksiko
Nasionaliteit	Meksiko
Veld	Skildery
Opleiding	Self-onderrig
Beweging	Surrealisme, Magiese realisme
Werke	in Museums: Albright–Knox Art Gallery Fundación Proa, Buenos Aires Frida Kahlo Museum, Coyoacán Harry Ransom Center Madison Museum of Contemporary Art Museo Dolores Olmedo Museo de Arte Moderno, Instituto Nacional de Bellas Artes, Meksikostad Museum of Modern Art Phoenix Art Museum San Francisco Museum of Modern Art

Magdalena del Carmen Frieda Kahlo y Calderón (* 6 Julie 1907 in Coyoacán, Meksikostad; † 13 Julie 1954 in Coyoacán, Meksikostad) was 'n Meksikaanse skilderes. Sy word by die beduidendste verteenwoordigers van volksverbonde surrealisme gereken, alhoewel haar werke soms ook elemente van Nuwe Saaklikheid toon.

Frida Kahlo het met haar skilderye dikwels na Meksiko se vroeë Asteekse en Maya-kuns verwys en daarnaas ook die Europese kunsgeskiedenis gereflekteer. Haar werke behandel eweneens sosiale en politieke kwelvrae. Haar betekenis as kunstenares word bevestig deur haar indrukwekkende verwerking van haar persoonlike lyde, veral haar chroniese siekte, maar ook haar huweliksprobleme. 55 van haar 143 skilderye is selfportrette.